Psa 92 | OHB | STEP | מִזְמ֥וֹר שִׁ֗יר לְי֣וֹם הַשַּׁבָּֽת׃

Psalms 92

1 מִזְמוֹר שִׁיר לְיוֹם הַשַּׁבָּֽת׃ 2 ^{▼▼KJV:Ps.92.1} טוֹב לְהֹדוֹת לַיהוָה וּלְזַמֵּר לְשִׁמְךָ עֶלְיֽוֹן׃ 3 ^{▼▼KJV:Ps.92.2} לְהַגִּיד בַּבֹּקֶר חַסְֽדֶּךָ וֶאֱמֽוּנָתְךָ בַּלֵּילֽוֹת׃ 4 ^{▼▼KJV:Ps.92.3} עֲ‍ֽלֵי־עָשׂוֹר וַעֲלֵי־נָבֶל עֲלֵי הִגָּיוֹן בְּכִנּֽוֹר׃ 5 ^{▼▼KJV:Ps.92.4} כִּי שִׂמַּחְתַּנִי יְהוָה בְּפָעֳלֶךָ בְּֽמַעֲשֵׂי יָדֶיךָ אֲרַנֵּֽן׃ 6 ^{▼▼KJV:Ps.92.5} מַה־גָּדְלוּ מַעֲשֶׂיךָ יְהוָה מְאֹד עָמְקוּ מַחְשְׁבֹתֶֽיךָ׃ 7 ^{▼▼KJV:Ps.92.6} אִֽישׁ־בַּעַר לֹא יֵדָע וּכְסִיל לֹא־יָבִין אֶת־זֹֽאת׃ 8 ^{▼▼KJV:Ps.92.7} בִּפְרֹחַ רְשָׁעִים ׀ כְּמוֹ עֵשֶׂב וַיָּצִיצוּ כָּל־פֹּעֲלֵי אָוֶן לְהִשָּֽׁמְדָם עֲדֵי־עַֽד׃ 9 ^{▼▼KJV:Ps.92.8} וְאַתָּה מָרוֹם לְעֹלָם יְהוָֽה׃ 10 ^{▼▼KJV:Ps.92.9} כִּי הִנֵּה אֹיְבֶיךָ ׀ יְֽהוָה כִּֽי־הִנֵּה אֹיְבֶיךָ יֹאבֵדוּ יִתְפָּרְדוּ כָּל־פֹּעֲלֵי אָֽוֶן׃ 11 ^{▼▼KJV:Ps.92.10} וַתָּרֶם כִּרְאֵים קַרְנִי בַּלֹּתִי בְּשֶׁמֶן רַעֲנָֽן׃ 12 ^{▼▼KJV:Ps.92.11} וַתַּבֵּט עֵינִי בְּשׁוּרָי בַּקָּמִים עָלַי מְרֵעִים תִּשְׁמַעְנָה אָזְנָֽי׃ 13 ^{▼▼KJV:Ps.92.12} צַדִּיק כַּתָּמָר יִפְרָח כְּאֶרֶז בַּלְּבָנוֹן יִשְׂגֶּֽה׃ 14 ^{▼▼KJV:Ps.92.13} שְׁתוּלִים בְּבֵית יְהוָה בְּחַצְרוֹת אֱלֹהֵינוּ יַפְרִֽיחוּ׃ 15 ^{▼▼KJV:Ps.92.14} עוֹד יְנוּבוּן בְּשֵׂיבָה דְּשֵׁנִים וְרַֽעֲנַנִּים יִהְיֽוּ׃ 16 ^{▼▼KJV:Ps.92.15} לְהַגִּיד כִּֽי־יָשָׁר יְהוָה צוּרִי וְֽלֹא־עלתה ^{▼▼ עלתהעַוְלָתָה
(Qere)} בּֽוֹ׃